WP: Abama zahadaŭ źniščyć kiraŭnikoŭ «Džebchat an-Nusry»
Prezident Abama daŭ ukazańnie Pientahonu znajści i źniščyć lidaraŭ źviazanaj z «Al-Kajdaj» hrupoŭki ŭ Siryi, jakuju administracyja ihnaravała da hetaha momantu i jakaja adyhryvała centralnuju rolu ŭ baraćbie suprać siryjskaha ŭrada», - piša vydańnie Washington Post sa spasyłkaj na aficyjnyja asoby ŭ administracyi ZŠA.
Pa słovach krynic Washington Post, vyrašana zadziejničać bieśpiłotniki, a taksama siły i srodki zboru raźviedvalnaj infarmacyi.
Hazieta adznačaje, što hety krok śviedčyć ab tym, što Abama addaje pryjarytet baraćbie z teraryzmam u Siryi, a nie sprobam akazać cisk na prezidenta Bašara Asada, kab prymusić taho skłaści paŭnamoctvy.
«Džebchat an-Nusra» zmahajucca ź siryjskim uradam, kantralujuć terytoryi na poŭnačy krainy.