Dalar i jeŭra padaraželi na fonie panižeńnia cany na naftu
Na tarhach Biełaruskaj valutna-fondavaj biržy 17 listapada 2016 hoda biełaruski rubiel źniziŭsia da dalar ZŠA i jeŭra, umacavaŭsia — da rasijskaha rubla.
Pavodle vynikaŭ tarhoŭ kurs jeŭra vyras na 0,0045 rubla (0,22%) da 2,0937 rubla.
Kurs dalara pavialičyŭsia na 0,0066 rubla (0,34%) i skłaŭ 1,9564 rubla.
Kurs rasijskaha rubla (za 100 adzinak) źniziŭsia na 0,0027 rubla (0,09%) i skłaŭ 3,0129 biełaruskaha rubla za 100 rasijskich.
Biełaruski rubiel reahuje na dynamiku kursu rasijskaha rubla, jakaja značna zaležyć ad cen na naftu. Suśvietnyja ceny na naftu źnižajucca, śviedčać źviestki tarhoŭ. Cana studzieńskich fjučarsaŭ na naftu marki Brent źniziłasia na 0,34% da 46,47 dołara za baral.
U Rasii siarednieŭzvažany kurs dalara da rubla raźlikami «zaŭtra» na adzinaj handlovaj siesii MMVB, na padstavie jakoha ŭstanaŭlivajecca aficyjny kurs Centrabanka, na 11.30 čaćviarha vyras na 36,91 kapiejki, skłaŭšy 64,9154 rubla.