Milicyja rasšukvaje złačyncu, jaki ŭdaryŭ žančynu i abrabavaŭ jaje na vulicy Rusijanava ŭ Minsku VIDEA
Pravaachoŭniki prosiać dapamohi ŭ pošuku mužčyny, jaki źbiŭ žančynu prama na vulicy ŭ minskim rajonie Uručča i abakraŭ jaje. Pra heta paviedamlaje HUUS Minharvykankama.
Napad adbyŭsia nočču na vulicy Rusijanava. Toje, što zdaryłasia zafiksavała kamiera videanazirańnia. Na zapisy vidać, što mužčyna raptam padyšoŭ da žančyny sa śpiny i ŭdaryŭ joj u tvar kułakom, paśla čaho jana ŭpała. Dalej jon pačaŭ bić jaje nahami, a potym abakraŭ. Padazrajecca paznačany na fota mužčyna.
Kali vam što-niebudź viadoma pra jaho, milicyja prosić źviartacca ŭ Pieršamajskaje RUUS asabista abo pa telefonach: 8 (017) 280-02-02, 8 (029) 179-40-45, 8 (044) 784-73-64, 8 (029) 694-94-11.