Pieranospaŭtorudruhohaturuvybaraŭprezidenta — Aŭstryja vybrała słova hoda
Aŭstryjcy vybrali słova hoda, heta Bundespräsidentenstichwahlwiederholungsverschiebung. Nazoŭnik z 51 litary (abo 52, kali zamianić umlaŭt ä dyhrafam ae) dasłoŭna aznačaje «pieranos paŭtornaha hałasavańnia ŭ druhim tury vybaraŭ fiederalnaha prezidenta».
Daŭžynia słova vydatna adlustroŭvaje praces vybaraŭ, jaki raściahnuŭsia na ŭvieś hod, zaŭvažyŭ staršynia žury Rudolf Mura ź Instytuta pa daśledavańni aŭstryjskaha varyjantu niamieckaj movy ŭ Hrackim univiersitecie
Za Bundespräsidentenstichwahlwiederholungsverschiebung prahałasavali bolš za tracinu ad usich udzielnikaŭ vybaraŭ słova hoda.
Na druhim miescy apynułasia słova Bundesheinzi — miem, zasnavany na imieni byłoha prezidenta Chajnca Fišera, jaki zajmaŭ pasadu 12 hadoŭ. Treciaje miesca dastałasia prymietniku arschknapp (litaralna — «vuzki, jak prastora pamiž jahadzicami», jakim paznačali minimalnuju roźnicu ŭ hałasach pamiž kandydatami.