Spyniena sproba ŭvozu ŭ Biełaruś bujnoj partyi anałahu irkuckaha «hłohu»
Dziaržkantrol spyniŭ uvoz u Biełaruś bujnoj partyi anałahu irkuckaha «hłohu», paviedamlaje BiełTA sa spasyłkaj na telekanał «Biełaruś 1».
Supracoŭniki finansavaj milicyi spynili dziejnaść kantrabandystaŭ-butlehieraŭ. Złačynnaja hrupa płanavała niezakonna zavieźci z Rasii ŭ Biełaruś bujnuju partyju vadkaści z utrymańniem śpirtu. Padčas śpiecapieracyi apieratyŭniki spynili vialikahruz, jaki jechaŭ praź biełaruska-rasijskuju miažu ŭ napramku Połacka. Kantrabandysty karystalisia miascovymi darohami, abjazdžali centralnyja trasy. Padčas pieratrusu ŭ aŭtamabili było znojdziena 5,6 tys. kanistraŭ śpirtaźmiaščalnaj vadkaści ahulnym abjomam 28 tys. litraŭ.
Pa zaklučeńni ekśpiertaŭ, źmieściva niebiaśpiečnych dla zdaroŭja rečyvaŭ u pradukcyi bolš čym u 500 razoŭ pieravyšaje dapuščalnyja normy.
Kanał sa spasyłkaj na śpiecyjalistaŭ paviedamiŭ, što ŭ kanfiskavanaj vadkaści ŭtrymlivajecca taki ž mietanoł, jak u irkuckim «hłohu».
Pavodle infarmacyi kanała, tavar pryznačaŭsia dla prodažu pa ŭsioj krainie.
Jak paviedamlałasia, u Irkucku 78 čałaviek zahinuli, atruciŭšysia kancentratam «Hłoh» ź mietyłavym śpirtam.