U Minsku adnaviłasia vystava pad adkrytym niebam na płoščy Jakuba Kołasa FOTA
Užo viadomy vuličny vystaŭny prajekt «Mastak i horad» iznoŭ adkryŭsia ŭ Minsku na płoščy Jakuba Kołasa 27 krasavika. Sioleta vystava prachodzić pad nazvaj «Załataja kalekcyja biełaruskaha žyvapisu i hrafiki».
Na vystavie pradstaŭlenyja 35 aŭtaraŭ. Na praciahu čatyroch miesiacaŭ naviedvalniki zmohuć ubačyć pracy Zoi Lićvinavaj, Haŭryiła Vaščanki, Leanida Chobatava i šmatlikich inšych jarkich pradstaŭnikoŭ biełaruskaha žyvapisu i hrafiki.
Karciny Zoi Lićvinavaj «Pradstaŭleńnie» i Mikałaja Buščyka «Paŭnočny viečar».
Karciny Leanida Ščamialova «Kaladniki ŭ Rakavie» i Vasila Šaranhoviča «Raka Vuzła».
Karciny Ihara Barchatkova «Apošni śnieh» i Leanida Chobatava «Smak vady».
Pradstaŭlenyja pracy adlustroŭvajuć prychilnaść biełaruskich mastakoŭ i hrafikaŭ roznym tvorčym pohladam i tradycyjam. Podpisy da karcin aformlenyja na troch movach — biełaruskaj, ruskaj i anhlijskaj.