«Chartyju-97» vysialajuć z ofisa ŭ Varšavie
Sajt «Chartyja-97» 2 maja atrymaŭ list «Biełaruskaha doma» ŭ Varšavie z prośbaj ciaham dvuch-troch dzion vyzvalić pamiaškańni, jakija jany zajmajuć.
«Biełaruski dom» u Varšavie ŭznačalvajuć Aleś Zarambiuk i Uładzimir Kobiec.
«U suviazi z unutranymi patrebami Fond «Biełaruski Dom» apaviaščaje vas ab nieabchodnaści vyzvalić pamiaškańni № 2 i 3, jakija vy zajmajecie ŭ našym ofisie, i zdać klučy ad pamiaškańnia i siejfa da 17:00 piatnicy 5 maja 2017», — havorycca ŭ liście.
Sajt «Chartyja-97» užo vykazaŭ zdahadku, što heta pravakacyi biełaruskich śpiecsłužbaŭ.
Kobiec raniej pracavaŭ u «Chartyi», ale paśla ich pazicyi razyšlisia.
Pradstaŭnik «Biełaruskaha doma» Uładzimir Kobiec paabiacaŭ, što arhanizacyja ciaham dnia vystupić z aficyjnaj zajavaj pa hetym pytańni.
Sajt «Chartyja-97» ad 2011 hoda pracuje ŭ vyhnańni.