U Minsku rasśledujuć śmierć siamiejnaj pary ad ahniastrelnych ranieńniaŭ
Śledčyja vyśviatlajuć akaličnaści śmierci mužčyny i žančyny, čyje cieły znajšli ŭ adnym z damoŭ na vulicy Ubareviča jašče ŭ siaredzinie krasavika. Pra heta TUT.BY raspavioŭ aficyjny pradstaŭnik Upraŭleńnia Śledčaha kamiteta pa Minsku Alaksiej Klimovič.
18 krasavika ŭ adnoj z kvater žyłoha doma byli znojdzieny cieły 51-hadovaha mužčyny i 43-hadovaj žančyny z ahniastrelnymi ranieńniami. Viadoma, što heta siamiejnaja para.
«Praviedzieny ahlad miesca zdareńnia, apytany susiedzi i vidavočcy. Zaviedziena kryminalnaja sprava pa art. 139 Kryminalnaha kodeksa («Zabojstva»). Razhladajecca šerah viersij, u tym liku — viersija damoŭnaha suicydu», — raspavioŭ TUT.BY Alaksiej Klimovič.
Heta značyć, imavierna, muž i žonka sami pryčynili śmiarotnyja traŭmy. Dakładny adkaz daść rasśledavańnie.
Pryznačany šerah ekśpiertyz, u tym liku bijałahičnaja i hienatypaskapičnaja.