Ukrainka sprabavała pravieźci praź miažu svajho syna ŭ valizcy
50-hadovaja hramadzianka Ukrainy sprabavała nielehalna pieravieźci praź miažu svajho 8-hadovaha syna. Žančyna schavała dzicia ŭ valizku, paviedamlaje Radyjo Polšča.
podkarpackie.kas.gov.pl
Padčas mytnaha kantrolu ŭ ciahniku na pamiežnym pierachodzie Pšemysl-Maściska mytniki źviarnuli ŭvahu na niervovyja pavodziny žančyny i jaje admovu dać bahaž dla kantrolu. U valizcy pad adzieńniem apynułasia 8-hadovaje dzicia, jano było ŭ asłablenym stanie. Mytniki vyklikali chutkuju dapamohu, adnak, maci dziciaci nie pahadziłasia na toje, kab jaho abśledavali lekary.
Niekalki dzion tamu hramadzianka Ukrainy sprabavała pierajechać miažu razam z synam, adnak atrymała admovu ŭ suviazi z adsutnaściu ŭ dziciaci nieabchodnych dakumientaŭ.
Žančynie vystaŭlenyja abvinavačvańni ŭ dapamahańni pry sprobie nielehalnaha pierasiačeńnia miažy.