Kamisija pa UDV pahadziłasia vyzvalić viadomaha spartsmiena i akciora O. Džej Simpsana
Kamisija pa ŭmoŭna-daterminovym vyzvaleńni pahadziłasia vyzvalić amierykanskaha spartsmiena i akciora O. Džej Simpsana, jaki byŭ asudžany za ŭzbrojenaje rabavańnie ŭ 2008 hodzie.
LA Times
Simpsan vyjdzie na volu ŭ kastryčniku 2017 hoda, adbyŭšy minimalny naležny termin u dzieviać hadoŭ.
Papularny amierykanski spartsmien i akcior O. Džej Simpsan u siaredzinie 1990-ch abvinavačvaŭsia ŭ zabojstvie svajoj byłoj žonki Nikol Braŭn Simpsan i jaje siabra Rona Hołdmana. Prysiažnyja pryznali jaho nievinavatym, ale paźniej jaho abaviazali vypłacić 33,5 miljona dalaraŭ svajakam zahinułych, jakija padali da jaho hramadzianski pazoŭ.
Praces nad Simpsanam staŭ adnym z samych viadomych sudoŭ u historyi ZŠA
U dalejšym O. Džej Simpsan niekalki razoŭ aryštoŭvali za drobnyja złačynstvy. U 2008 hodzie Simpsana prysudzili da termina ad dzieviaci da 33 hadoŭ za vykradańnie spartyŭnych suvieniraŭ, jakija, jak jon śćviardžaŭ, byli skradzienyja ŭ jaho.