U palicyi Ukrainy patłumačyli, čamu zasakrecili rašeńnie suda ŭ spravie Šaramieta
U Nacyjanalnaj palicyi Ukrainy zajavili, što zasakrecili sudovyja rašeńni ŭ spravie ab zabojstvie Paŭła Šaramieta dla abarony žyćcia asobaŭ, «jakija ŭdzielničajuć u kryminalnym sudavodztvie», havorycca ŭ adkazie Śledčaj ŭpravy Nacyjanalnaj palicyi na zapyt «Ukrainskaj praŭdy».
Pry hetym va ŭpravie admovilisia paviedamlać niejkija padrabiaznaści nakont raźvićcia rasśledavańnia. U palicyi patłumačyli admovu tym, što «raskryćcio źviestak niehatyŭna paŭpłyvaje na vyniki praviadzieńnia rasśledavańnia».
Taksama śledčyja nie patłumačyli, čamu hetyja asoby pačali patrabavać inšych zachadaŭ biaśpieki praz hod paśla pačatku rasśledavańnia, i jakija mienavita heta zachady biaśpieki.
24 lipienia Nacyjanalnaja palicyja Ukrainy zasakreciła ŭsie rašeńni sudoŭ u spravie ab zabojstvie žurnalista Paŭła Šaramieta ź mierkavańniaŭ biaśpieki.
U Adzinym rejestry sudovych rašeńniaŭ kanfiskavali z adkrytaha dostupu bolš za 200 rašeńniaŭ u spravie ab zabojstvie Šaramieta.
Pavieł Šaramiet byŭ zabity ŭ Kijevie 20 lipienia 2016 hoda. Palicyja kvalifikavała hibiel žurnalista jak naŭmysnaje zabojstva. Pryjarytetnaj viersijaj zabojstva Šaramieta źjaŭlajecca jaho prafiesijnaja dziejnaść.