U mahiloŭki, jakaja doŭhi čas nie płaciła za kamunałku, zabrali syna
U mahiloŭki, jakaja adna vychoŭvaje niepaŭnaletniaha syna i źjaŭlajecca ŭłaśnicaj dźviuch kvater u Mahilovie, na rachunku adnoj z kvater utvaryłasia zapazyčanaść za žyllova-kamunalnyja pasłuhi ŭ pamiery 260 rubloŭ. Nabiehła i 155 rubloŭ pieni, paviedamlaje sajt Centra haradskich infarmacyjnych sistem.
Žančynu nieadnarazova papiaredžvali ab najaŭnaści zapazyčanaści i nieabchodnaści jaje pahašeńnia, ale daŭžnica nijak na heta nie reahavała.
Rabotniki ŽEU adklučyli ŭ kvatery elektryčnaść, adnak i paśla hetaha 47-hadovaja žančyna nie pačała pahašać zapazyčanaść.
Tady supracoŭniki CHIS nakiravali infarmacyju ab najaŭnaści zapazyčanaści pa miescy vučoby syna žančyny. U vieraśni kamisija pa spravach niepaŭnaletnich zabrała ŭ jaje syna 2007 hoda naradžeńnia. Dzicia było źmieščana na dziaržaŭnaje zabieśpiačeńnie.
4 kastryčnika žančyna pahasiła zapazyčanaść.