Hutarka Dudzia z Sabčak. VIDEA nabrała 1,8 miljona prahladaŭ za sutki
Dudź — papularny rasijski błohier. Uvohule, rasijskija videabłohiery — heta fienomien apošniaha hoda. A «vDud́» staŭ nadzvyčaj papularny. Siarod inšaha, jon pakidaje ŭ svaich intervju mat i sam maciukajecca. Jon uvohule biare intervju ŭ davoli chamskim styli.
Jahonaja hutarka z Ksienijaj Sabčak sabrała ŭ JUTubie 1,8 młn prahladaŭ za sutki, 30 tysiač kamientaŭ. U 150-miljonnaj Rasii heta nie mała.
Rašeńnie Ksienii Sabčak bałatavacca ŭ prezidenty Rasii praciahvaje intryhavać. Jak paviedamlajuć rasijskija ŚMI, jana pryniała takoje rašeńnie paśla kansultacyj z Administracyjaj prezidenta i asabista Pucinym. Tyja zacikaŭlenyja ŭ niejtralizacyi Alaksieja Navalnaha — antykarupcyjnaha błohiera i rezkaha krytyka isnujučaj sisitemy. Libieralnyja koły padzielenyja ŭ acenkach kroku Sabčak. Adny krytykujuć «hetuju kłaŭnadu», paŭtor «varyjanta z Procharavym». Druhija ličać, što takaja «biaśpiečnaja alternatyva» najlepšaja dla «mirnaha vykazvańnia pratestu».
Sabčak — dačka kolišniaha mera Pieciarburha Anatola Sabčaka, pa pratekcyi jakoha Pucin trapiŭ va ŭładu.
Jana multymiljanierka — zarablaje jak televiadoŭca i viadoŭca karparatyvaŭ. Ad 2011 hoda jana dałučyłasia da rasijskaj apazicyi i ŭdzielničała ŭ manifiestacyjach pratestu. Mnohija rasijskija analityki ličać, što taki epatažny piersanaž nie zdolny zdabyć palityčnuju papularnaść.
Hutarka «vDud́» z Sabčak doŭžycca paŭtary hadziny, ale «trymaje». «Sabčak pa fakcie pieraviała pytańni na viadučaha i razmazała jaho. Napeŭna, heta pieršy pravał za ŭsiu historyju prajekta vDud́», — miarkuje biełaruskaja žurnalistka Adarja Huštyn.
Čytajcie taksama: