Oskaru Pistoryusu pavialičyli prysud z šaści da trynaccaci hadoŭ
beeld.com
Viarchoŭny apielacyjny sud PAR paśla razhladu apielacyi prakuratury pavialičyŭ termin prysudu paŭdniovaafrykanskamu lohkaatletu-amputantu Oskaru Pistoryusu.
«Prysud, vyniesieny raniej… u dačynieńni da zabojstva, admianiajecca i zamianiajecca nastupnym: abvinavačvany prysudžajecca da turemnaha źniavoleńnia terminam na 13 hadoŭ i 5 miesiacaŭ», — skazaŭ sudździa.
Trahiedyja ŭ domie Pistoryusa adbyłasia ŭ noč na 14 lutaha 2013 hoda. Lohkaatlet zabiŭ svaju siabroŭku, zrabiŭšy niekalki strełaŭ u začynienyja dźviery prybiralni, paźniej jon patłumačyŭ svaje dziejańni tym, što pryniaŭ jaje za rabaŭnika.
Pieršapačatkova Pistoryus byŭ pryznany vinavatym u nienaŭmysnym zabojstvie i ŭ kastryčniku 2014 hoda pryhavorany da piaci hadoŭ turemnaha źniavoleńnia, ale byŭ daterminova vypuščany z turmy praz hod i źmieščany pad chatni aryšt. Adnak u pačatku śniežnia 2015 hoda Viarchoŭny sud PAR zadavoliŭ pratest prakuratury i pryznaŭ spartoŭca vinavatym u naŭmysnym zabojstvie Stenkamp.