Łukašenka: Rašeńnie nakiravać kiraŭnika MZS u Brusel było pryniata zadoŭha da samita
Rašeńnie nakiravać u Brusel kiraŭnika MZS Uładzimira Makieja było pryniata zadoŭha da samita Uschodniaha partniorstva.
Pra heta Alaksandr Łukašenka zajaviŭ siońnia žurnalistam u Buda-Kašaloŭskim rajonie z nahody ŭzroŭniu pradstaŭnictva Biełarusi na samicie, a taksama pra nibyta rasijski śled u hetym pytańni, paviedamlaje BiełTA.
«U hetym pytańni kanśpirałohii niama. Nijakich rasijskich, amierykanskich, ukrainskich śladoŭ u hetaj temie taksama niama, — rastłumačyŭ kiraŭnik dziaržavy. — Jak zvyčajna, pastupiła asabistaje zaprašeńnie na imia prezidenta, jak i raniej na hety samit. Ale vy viedajecie, jak było ŭ raniejšyja hady — zaprašeńnie na samit na imia Łukašenki, ale zaŭsiody na hetyja samity jeździŭ ministr zamiežnych spraŭ. Napeŭna, nie vielmi ŭžo i chacieli bačyć mianie niekatoryja asoby ŭ Jeŭrapiejskim sajuzie, ale hetaja sprava ŭžo jakaja pajšła. Nie ŭ hetym sprava. Usie maje mižnarodnyja pajezdki, usie maje kamandziroŭki płanujucca na hod napierad, i jany ŭviazvajucca z ŭnutranymi mierapryjemstvami «.
«Kali my płanavali hetaje mierapryjemstva, my viedali, što samit adbudziecca ŭ kancy listapada ŭ hety dzień. Tady nijakich zaprašeńniaŭ nie było, i my zapłanavali tudy vizit ministra zamiežnych spraŭ, jašče za paŭhoda da samitu, moža być, i raniej.
A ŭžo bližej da samitu čamuści raptam Jeŭrapiejski sajuz pažadaŭ bačyć tam prezidenta Biełarusi. Dziakuj im za heta, što jany narešcie zrazumieli, što bieź Biełarusi nie moža być Jeŭropy. Darečy, ministr zamiežnych spraŭ FRH tak i skazaŭ: vy - centr Jeŭropy, jakaja Jeŭropa bieź Biełarusi», - praciahnuŭ Alaksandr Łukašenka.
Pry hetym kiraŭnik dziaržavy raskazaŭ, što dadzienaja pajezdka ŭ Homielskuju vobłaść, u Buda-Kašaloŭski rajon, była zapłanavanaja zahadzia. Pryčym jana trojčy adkładałasia. «Što, treba było jašče raz adkłaści?» - zadaŭ rytaryčnaje pytańnie kiraŭnik krainy.
Jon vykazaŭ upeŭnienaść, što «z tym paradkam dnia, z tym, što tam, u Bruseli, adbyvajecca, ministr zaŭsiody spraŭlaŭsia i spravicca na hety raz».