20-hadovy chakier uzłamaŭ Uber. Za maŭčańnie jamu zapłacili $100 tysiač
Miesiac nazad stała viadoma pra maštabny ŭzłom sistem kampanii Uber u 2016 hodzie z kradziažom dadzienych bolš za 57 miljonaŭ karystalnikaŭ. Ciapier Reuters stali viadomyja niekatoryja padrabiaznaści hučnaj spravy.
Letaś Uber atrymała elektronny list ad nieviadomaha adpraŭnika z patrabavańniem hrošaj u abmien na vykradzienyja dadzienyja. Kampanija pahadziłasia zapłacić $100 000 na ŭmovach raskryćcia asoby i padpisańnia pahadnieńnia ab nievydavańni.
Chakieram akazaŭsia 20-hadovy chłopiec z Fłarydy, jaki pražyvaŭ razam z maci ŭ nievialikim domie i chacieŭ takim čynam dapamahčy joj z apłataj rachunkaŭ. Dla paśpiachovaj ataki małady čałaviek sam zapłaciŭ nieviadomaj asobie, kab atrymać dostup da patrebnaha kodu.
Kab pierakanacca ŭ poŭnym źniščeńni infarmacyi, Uber praviała detalny analiz kampjutara chakiera.
Pa słovach ciapierašniaha kiraŭnika kampanii Dara Chasravšachi, kampanija ŭžo zvolniła kiraŭnika słužby biaśpieki i jaho namieśnika. Na minułym tydni adździeł pakinuli jašče try top-menedžery.