KDB pra viartańnie Paźniaka: Niachaj jaho paplečniki sami kamientujuć svaje dadumki
Fota Viktara Dudarava
Niekalki dzion tamu paet i hramadski aktyvist Słavamir Adamovič źviarnuŭsia z adkrytym listom da Zianona Paźniaka i prapanavaŭ jamu «naviedać našu krainu z nahody śviatkavańnia nadzvyčajnaj daty ŭ historyi biełaruskaha naroda — 100-j hadaviny z času abviaščeńnia BNR». Nahadajem, što lidar KCHP-BNF ad 1996 hoda pražyvaje ŭ emihracyi.
Sam Zianon Stanisłavavič, pakul nie prakamientavaŭ prapanovu, a jaho paplečnik pa partyi Juraś Bieleńki z hetaj nahody vykazaŭsia kateharyčna: «Ja ŭžo sto razoŭ kazaŭ, što Paźniaku niebiaśpiečna viartacca dadomu. Čaho siudy pryjazdžać? Kab być źniščanym?»
«Narodnaja vola» źviarnułasia ŭ siłavyja struktury z pytańniem, ci sapraŭdy ŭ śpiecsłužbaŭ, pamiežnikaŭ i milicyi jość płany pa aryšcie kiraŭnika KCHP-BNF, kali jon pierasiače miažu?
U MUS i Pamiežnym kamitecie adkazali koratka i adnolkava: «Takoj infarmacyjaj nie vałodajem».
«Ja navat nie viedaju, što tut možna skazać, — dadaŭ pres-sakratar KDB Dźmitryj Pabiaržyn. — Niachaj paplečniki Paźniaka sami kamientujuć svaje dadumki. Ja nie viedaju, jakija ŭ ich padstavy śćviardžać toje, što jany kažuć. Kamientavać ich zajavy my adnaznačna nie budziem».