DAI zładziła pahoniu sa stralaninaj: dahaniali pjanaha rasijanina na Homielščynie
30 studzienia biełaruskija daišniki pasprabavali spynić «Ford» z rasiejskimi numarami, jaki niebiaśpiečna pavodziŭ siabie na trasie. Ale kiroŭca nie spyniŭsia, a pasprabavaŭ uciačy ŭ Rasiju.
Na trasie Kobryn — Homiel — miaža Rasii pačałasia pahonia. Patrabavańni daišnikaŭ kiroŭca ihnaravaŭ. Tyja pačali stralać: spačatku ŭ pavietra, paśla pa kołach, ale kiroŭca nie spyniaŭsia.
Biełarusy paviedamili pra parušalnika rasijskim kaleham. U vyniku na terytoryi Złynkaŭskaha rajona Branskaj vobłaści mužčyna nie spraviŭsia z kiravańniem na abledzianiełaj darozie i źjechaŭ u kiuviet, źbiŭšy pry hetym adbojnik. Rasijskija palicejskija zatrymali dvaich žycharoŭ horada Złynka va ŭzroście 27 i 26 hadoŭ. Kiroŭca byŭ pjany i nie mieŭ dakumientaŭ, paviedamlaje palicyja Branskaj vobłaści.