Rakieta Iłana Maska siońnia adpravić ŭ bok Marsa jaho aŭtamabil
pačatak tranślacyi na Jutubie ŭ 21:30
Amierykanski zasnavalnik SpaceX i Tesla Iłan Mask u aŭtorak pasprabuje zapuścić u kosmas zvyšciažkuju rakietu-nośbit Falcon Heavy z kaśmičnaha centra Kenedzi.
Hruzapadjomnaść Falcon Heavy udvaja pieravyšaje tyja ž pakazčyki luboj inšaj rakiety.
Karysnaha hruzu na joj nie budzie, zamiest hetaha Iłan Mask vyrašyŭ adpravić u kosmas svoj stary spartyŭny aŭtamabil Tesla višniovaha koleru.
Aŭtamabil budzie zapuščany na eliptyčnuju arbitu, jakaja praścirajecca ad Sonca da Marsa. Aŭdyjasistema aŭtamabila, jak paviedamlajecca, budzie bieśpierapynna prajhravać chit Devida Boŭi Space Oddity.
«Aŭtamabil addalicca ad Ziamli prykładna na 400 miljonaŭ kiłamietraŭ i budzie lacieć z chutkaściu 11 kiłamietraŭ za siekundu», — skazaŭ Mask reparcioram na bryfinhu ŭ paniadziełak. «Pavodle našych acenak, jon budzie znachodzicca na hetaj arbicie niekalki sotniaŭ miljonaŭ hadoŭ, moža być, navat bolš za miljard hadoŭ», — dadaŭ Mask.
Aŭtamabil abstalavany tryma kamierami nazirańnia, zdymki jakich, jak spadziajecca Iłan Mask, buduć «epičnymi».
Anłajn-tranślacyju možna ŭbačyć siońnia ŭ 21.30 pa Minsku na YouTube.