Žančyna pratapiła pieč bienzinam — i atrymała apioki, a jaje siabar u reanimacyi
Zdareńnie adbyłosia na Maładziečanščynie. U balnicu pa dapamohu źviarnułasia 25-hadovaja žančyna i 23-hadovy siabar. Aboje atrymali apioki, piša Rehijanalnaja hazieta.
Paciarpiełaja patłumačyła, što tapiła kacioł na ćviordym palivie. Drovy byli syrymi, tamu padliła bienzinu. Vybuchnuli pary.
Da taho ž žančyna praliła paliva na padłohu, i zaharełasia pamiaškańnie.
Połymia apaliła pravaje plačo, levuju ruku, abiedźvie stupni. Daktary praviali patrebnyja pracedury i adpuścili žančynu damoŭ.
Jaje siabru pašancavała mienš: jon źbivaŭ połymia i atrymaŭ apioki ruk i noh.
Jaho špitalizavali ŭ reanimacyju. Jaho stan stabilna ciažki.