Jak budzie pracavać transpart, pakul ramantujuć tramvajnyja šlachi ŭ bok vakzała
Na čas vykanańnia rekanstrukcyi šlachu z zakryćciom tramvajnaha ruchu pa vuł. Pieršamajskaj, Uljanaŭskaj i Babrujskaj z 1 sakavika da vieraśnia admianiajecca praca tramvajnych maršrutaŭ №1, 4, 7, paviedamili karespandentu ahienctva «Minsk-Naviny» ŭ DU «Staličny transpart i suviaź».
Adnačasova istotna pavialičycca kolkaść ruchomaha składu na tramvajnych maršrutach № 3, 6, a taksama №11 (jon budzie pracavać štodnia z 6 da 22 hadzin). Ździejśnić pierasadku na tramvai maršrutaŭ №3, 6 možna na prypynačnym punkcie «Źmitrok Biadula».
Na ŭkazany pieryjad arhanizujecca praca časovaha maršrutu №901 «DS «Družnaja» — Kamaroŭski rynak». Aŭtobusy pajeduć pa vuł. Tałstoha, pł. Miaśnikova, vuł. Babrujskaj, Uljanaŭskaj, Pieršamajskaj, Z. Biaduli, Kazłova, pr. Mašerava, vuł. Kujbyšava ŭ pramym kirunku; vuł. V. Charužaj, Čyrvonaj, pr. Mašerava, vuł. Kazłova, Płatonava, Čapajeva, Pieršamajskaja, Uljanaŭskaja, Babrujskaja, pł. Miaśnikova, Tałstoha — u advarotnym. Intervały ruchu składuć 3—4 chviliny ŭ hadziny pik, 6—7 chvilin — u mižpikavy čas i pa vychadnych dniach.