U Polščy ŭkraincaŭ pryznali adnymi z hałoŭnych ruchavikoŭ ekanomiki
U rejtynhu «50 samych upłyvovych ludziej polskaj ekanomiki», jaki skłała Gazeta Prawna, druhoje miesca kalektyŭna zaniali mihranty z Ukrainy. Pieršaje miesca addadziena kiraŭniku ŭrada Mateušu Maravieckamu. Na trecim — prezident Andžej Duda.
Mitynh u padtrymku intehracyi ź ES na miažy z Polščaj. Archiŭnaje fota: Reuters
Adznačajecca, što ŭ paraŭnańni z pakazčykami 2014 hoda rost mihracyi ŭkraincaŭ skłaŭ bolš za 350%. Ukraincy atrymali ŭ pieršaj pałovie 2017 hoda bolš za 91 tys. dazvołaŭ na pracu, što skłała 85% ad ahulnaj kolkaści dazvołaŭ na pracu, vydadzienych u Polščy. Pavodle dadzienych sistemy sacyjalnaha strachavańnia na kaniec vieraśnia 2017 hoda, polskija strachoŭki byli aformlenyja na 308 tysiač ukraincaŭ, pryčym ich kolkaść za hod pavialičyłasia na 130 tysiač.
«Rola ukraincaŭ na polskim rynku pracy raście. Heta asabliva važna ŭ kantekście demahrafičnych prablem, jakija padobnyja da bomby, zakładzienaj pad našu ekanomiku, — piša Gazeta Prawna. Ekśpierty AAN adnieśli Polšču da krain, u jakich nasielnictva budzie skaračacca i stareć asabliva chutkimi tempami. A imihranty z Uschodu kampiensujuć nastupstvy demahrafičnych źmienaŭ».
«Adnak, dziaržava ŭsio jašče nie maje ni mihracyjnaj palityki, ni idei, jak dazvolić ukraincam, biełarusam i rabotnikam inšych nacyjanalnaściaŭ zamacavać svaje karani ŭ Polščy. I kali bolš bahatyja krainy Zachodniaj Jeŭropy adčyniać dla ich svaje dźviery, to mahnit vysokich zarobkaŭ moža pieraciahnuć ich za Odru», — havorycca ŭ artykule.