Spatkańnie sa Słavamiram Adamovičam
dasłana čytačom
U Varšavie adbyłasia sustreča sa znakamitym biełaruskim paetam Słavamiram Adamovičam. Na spatkańni prysutničała ŭ asnoŭnym moładź, studenty prahramy Kalinoŭskaha. Słavamir užo 6 hod žyvie za miažoj Biełarusi, a mienavita ŭ Narviehii, dzie atrymaŭ humanitarny prytułak.
Jak adznačyŭ na sustrečy paet: «Na ciapierašni momant Biełaruś vyratujuć tolki radykalnyja metady baraćby ź isnujučaj sytuacyjaj, ale hetyja metady pavinny iści pobač z adradžeńniem biełaruskaj tvorčaj intelihiencyi». Na praciahu dźviuch hadzin Słavamir Adamovič aznajomiŭ usich prysutnych sa svaimi vieršami. Byli pračytanyja radki z «Turemnaha dziońnika», napisanaha Słavamiram u viaźnicy. Asabliva pryciahnuŭ uvahu vierš «Što takoje vajna», napisany ŭ suviazi z apošnimi padziejami ŭ Hruzii.
Na praciahu tydnia Słavamir planuje prajechać pa Eŭrasajuzie, sustrakajučysia z čytačami-biełarusami. Sustreča sa Słavamiram Adamovičam była arhanizavana inicyjatyvaj BNP (Biełaruskaja Nacyjanalnaja Pamiać).