Arakielan ab pryčynach pravału Sarhsiana: «U kaŭkazskich narodaŭ nie pryniata ciarpieć pahrozy»
Pavieł Arakielan, etničny armianin, udzielnik hurta «Krambambula» i fitnes-trenier padzialiŭsia z «Našaj Nivaj» dumkami ab palityčnych padziejach u Armienii.
«Čamu narod pieramoh Sarhsiana? Tut pieršaje i asnoŭnaje, mnie zdajecca: u kaŭkazskich narodaŭ nie pryniata ciarpieć pahrozy. Klučavoje było, kali Sarhsian pačaŭ pahražać kryvioj i tankami, heta raźjušyła ludziej. Na nastupny dzień vyjšli navat vajskoŭcy. I treba razumieć, što ŭ Armienii dahetul isnuje kłanavaść, tam ułada nie zasiarodžana ŭ rukach adnaho čałavieka, jana raskidanaja, tak našmat ciažej arhanizavać represiŭnuju mašynu, dy i milicyi nie tak šmat na sto tysiač nasielnictva», — skazaŭ Arakielan.