Mozh śvińni ŭpieršyniu atrymałasia zachavać žyvym pa-za miežami cieła
Navukoŭcy ź Jelskaha ŭniviersiteta zdoleli zachavać mazhi śviniej žyvymi asobna ad cieła. Štučnaja sistema žyćciezabieśpiačeńnia pierapampoŭvaje kroŭ i nieabchodnyja dla funkcyjanavańnia resursy, paviedamlajecca ŭ dakładzie MIT Technology Review.
Ilustracyja: Hanna Barčyk / MIT.
Ekśpierymient byŭ praviedzieny na niekalkich dziasiatkach śviniej. Mazhi bieź cieła zastavalisia žyvymi na praciahu 36 hadzin.
Adznačajecca, što ŭ chodzie ekśpierymientaŭ u štučnuju kroŭ dadavali rečyva ad zapaleńnia, jakoje mahło zabłakavać śviadomaść. Tamu dakładna nieviadoma, ci mahli hetyja mazhi padtrymlivać i razumovyja pracesy bieź cieła.
Meta navukoŭcaŭ — stvaryć poŭnuju kartu złučeńniaŭ pamiž kletkami čałaviečaha mozhu. Dla hetaha jany ŭžo zaručylisia padtrymkaj uładaŭ ZŠA.