U Minsku zatrymany padazravany ŭ arhanizacyi kanała pastaŭki narkotykaŭ ź Litvy
Padazravanaha ŭ arhanizacyi kanała pastaŭki narkotykaŭ ź Litvy ŭ Biełaruś zatrymali ŭ Minsku, paviedamili ŭ HUUS Minharvykankama.
Milicyja zatrymała mužčynu na Pryvakzalnaj płoščy. Minčanin viartaŭsia ź Vilniusa. Pry sabie ŭ jaho znojdziena i kanfiskavana 175 tabletak ekstazi, 40 h mietamfietaminu, 10 h hašyšu i 5 h kakainu.
Jak patłumačyŭ mužčyna, tavar pryznačaŭsia dla adkryćcia adnaho ź minskich zabaŭlalnych ustanoŭ. Zabaronienyja rečyvy minčanin užyvaŭ sam, raniej pryciahvaŭsia da kryminalnaj adkaznaści za niezakonny abarot narkotykaŭ.
U dačynieńni da zatrymanaha raspačataja kryminalnaja sprava pa č.3 art.328 KK (niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ).