Pačynajecca sud nad katalizataram «žyvoha ščytu»
Heta Raman Mianciuk - sumnaviadomy hieroj darožna‑transpartnaha zdareńnia 2 sakavika na trasie Miensk - Mikaševičy.
U aŭtorak, 28 kastryčnika, u sudzie Mienskaha rajonu i horadu Zasłaŭje pačynajecca praces nad Ramanam Mienciukom, sumnaviadomym hierojem darožna‑transpartnaha zdareńnia, jakoje stała viadomaje jak «Žyvy ščyt».
Raman Mianciuk, fota zaslavl.by |
Nahadajem, incydent adbyŭsia 2 sakavika na Słuckaj šašy pad Mienskam. Kab spynić niećviarozaha Mienciuka, milicyja vystaviła ŭpopierak darohi pryvatnyja aŭtamabili. Milicyjanty Hienadź Darahakupiec i Alaksiej Lichtarovič byli paźniej za heta pakaranyja ŭmoŭnym źniavoleńniem.
Raman Mianciuk uciok u Maskvu, dzie byŭ zatrymany ŭ lipieni. Jon byŭ ekstradyravany z Rasiei j źmieščany ŭ mienski śledčy izalatar. Mianciuk abvinavačvajecca ŭ parušeńni praviłaŭ darožnaha ruchu, vynikam čaho stała naniasieńnie cialesnych paškodžańniaŭ.