Ministr antymanapolnaha rehulavańnia Kałtovič: Kali dla krainy dastatkova adnoj «Biełavija»…
Na praciahu hoda budzie razhledžana pytańnie ab mahčymaj demanapalizacyi šaści halin ekanomiki. Pra heta zajaviŭ ministr antymanapolnaha rehulavańnia i handlu Uładzimir Kałtovič, paviedamlaje Tut.by.
— Mižviedamasnaja kamisija pry pieršym vice-premjery Vasili Maciušeŭskim prymie rašeńnie, jakija śfiery budzie razumna demanapalizavać, — skazaŭ Uładzimir Kałtovič.
— Kankurencyja dziela kankurencyi nie patrebnaja. Naprykład, kali my ŭbačym, što dla našaj krainy dastatkova efiektyŭna adnoj avijakampanii «Biełavija» i nie treba nijakich źmien, to abiarem hety šlach. Tam, dzie treba zachavać manapoliju, jana budzie zachavana.
Razam z tym stvorym «darožnyja karty» pa kožnaj halinie, dzie pa hadach budzie raśpisana, što i jak treba rabić, kab demanapalizavać rynki.