Kampanija-vytvorca prahramy, dzie vykarystali fota źnikłaha ŭ Biełaviežskaj puščy Maksima Marchaluka, zvolniła redaktara
Telekampanija «Mir», u prahramie jakoj fota źnikłaha ŭ Biełaviežskaj puščy Maksima Marchaluka vykarystali ŭ jakaści ilustracyi siamiejnaha kanfliktu, skłała zapyt vytvorcu prahramy z prośbaj patłumačyć, jak tak vyjšła. Kampanija dasłała taki adkaz:
«My vielmi škadujem i prynosim svaje prabačeńni za toje, što adbyłosia. Praz chałatnaść redaktara ŭ prahramie «Spravy siamiejnyja» byŭ prademanstravany fotazdymak źnikłaha bieź viestak Maksima Marchaluka z ahulnadastupnaj pošukavaj sistemy. Redaktar, jaki dapuściŭ prafiesijnuju i etyčnuju pamyłku, zvolnieny», — zapeŭnili ŭ kampanii.
Vykanaŭčy pradziusier prahramy «Spravy siamiejnyja» Hojninhien-Hiunie vybačyłasia pierad aŭdytoryjaj kanała i siamjoj źnikłaha chłopčyka.