Internet-miemy pad pahrozaj: ich mohuć zabić abaroncy aŭtarskich praŭ
Miemy, remiksy i inšy stvorany karystalnikami kantent moža źniknuć ź interneta, kali buduć pryniaty prapanavanyja Jeŭrasajuzam papraŭki ŭ zakon ab aŭtarskim pravie, papiaredžvajuć ekśpierty.
Pravaabaroncy aktyŭna pratestujuć suprać Dyrektyvy ab aŭtarskich pravach, hałasavańnie pa jakoj pavinna adbycca ŭ Jeŭraparłamiencie ŭžo ŭ hetym miesiacy.
Na dumku aŭtaraŭ, hety dakumient pavinien abaranić pravaŭładalnikaŭ u epochu interneta.
Adnak, na dumku krytykaŭ, novy zakon zusim nie ŭličvaje taho, jak ludzi na samaj spravie ŭzajemadziejničajuć z veb-kantentam, i moža stać instrumientam cenzury.
Krytyki kažuć, što faktyčna heta zapatrabuje ad internet-płatform filtracyi ŭsiaho kantentu, raźmieščanaha karystalnikami — što budzie praźmiernym abmiežavańniem svabody słova.
Taksama jość aściarohi, što filtravańnie takich abjomaŭ kantentu daviadziecca daručyć aŭtamatyčnym ałharytmam, a tyja buduć pracavać pavodle pryncypu «lepš pierastrachavacca» — i vydalać usio, što moža ŭtrymlivać patencyjnyja ryzyki dla płatformy.