U Breście žančyna baraniła niećviarozaha ad zatrymańnia. Zatrymali i jaje samu VIDEA
Na aŭtavakzale ŭ Bieraści narad milicyi zatrymaŭ niećviarozaha mužčynu i supracoŭnicu aŭtavakzału, jakaja sprabavała jaho abaranić. Pra heta paviedamiŭ Svabodzie vidavočca Aleh Ciareščanka, jaki źniaŭ incydent na videa.
Pavodle Ciareščanki, 23 lipienia niećviarozy mužčyna siadzieŭ na łaŭcy peronu bieraściejskaha aŭtavakzału ŭ čakańni maršrutki. Kali da jaho padyšli supracoŭniki patrulna-pastavoj słužby milicyi, toj admoviŭsia. Vidavočcy incydentu prasili milicyjantaŭ «adpuścić čałavieka dadomu». Pavodle ich słovaŭ, mužčyna nie debašyryŭ, a prosta zasnuŭ na łaŭcy.
Milicyjanty papiaredzili mužčynu: kali toj admovicca dobraachvotna iści za imi, jany ŭžyvuć fizyčnuju siłu, što i adbyłosia. Razam z zatrymanym u słužbovuju mašynu patrapiła i supracoŭnica aŭtavakzału, jakaja sprabavała abaranić mužčynu. Na žančynu nadzieli kajdanki.
Na videa Aleh Ciareščanka śćviardžaje, što supracoŭnik milicyi maciukaŭsia ŭ jaho bok.
Pavodle kamentaru UUS Bieraściejskaha abłvykankamu, kala 16:30 supracoŭniki Leninskaha RAUS atrymali paviedamleńnie, što mužčyna śpić na łaŭcy Bieraściejskaha aŭtavakzału. Na miescy milicyjanty ŭbačyli, što ŭ mužčyny, jaki spaŭ na łaŭcy, byli «vidavočnyja prykmiety alkaholnaha spjanieńnia».
Padčas pasadki zatrymanaha ŭ aŭtamabil da supracoŭnikaŭ milicyi padyšła supracoŭnica aŭtavakzału stałaha vieku, jakaja «u hrubaj formie sprabavała zaminać zakonnym patrabavańniam pravaachoŭnikaŭ».
Paśla tłumačeńnia pryčynaŭ zatrymańnia, žančyna «adreahavała bolš ahresiŭna».
Dziejańni žančyny aceniać padčas pravierki.
Pavodle UUS Bieraściejskaha abłvykankamu, raniej mužčyna 18 razoŭ pryciahvaŭsia da administracyjnaj adkaznaści.