Pakłonskuju chočuć vyhnać ź Dziarždumy, bo jana hałasavała suprać pavyšeńnia piensijnaha ŭzrostu
Tolki adzin deputat z frakcyi «Adzinaj Rasii» ŭ rasijskim parłamiencie prahałasavaŭ u pieršym čytańni suprać zakonaprajekta pra pavyšeńnie piensijnaha ŭzrostu ŭ Rasii — heta Natalla Pakłonskaja z Kryma.
Natalla Pakłonskaja. Fota: kremlin.ru.
Pakłonskaja admoviłasia padtrymać prajekt zakona ŭ pieršym čytańni, tamu što jana ź im nie zhodnaja.
Kiraŭnik frakcyi ŭ Dziarždumie Siarhiej Niavieraŭ zajaviŭ, što deputat pavinna padumać pra zdaču mandata. Pakłonskaja admoviłasia.
Deputat padkreśliła, što jana była abranaja ŭ Dziarždumu. «Mnie kiraŭnictva daručyła tuju pracu, jakuju ja siońnia vykonvaju sumlenna, tamu — nie», — dadała jana.
Nahadajem, Natalla Pakłonskaja — były tak zvany «prakuror» anieksavanaha Rasijaj Krymu. U 2016 hodzie jana stała deputatam parłamienta. Pakłonskaja viadomaja svaim krytyčnym staŭleńniem da źmieny ŭłady va Ukrainie, a taksama źjaŭlajecca prychilnicaj rasijskaha cara Mikałaja II i hierainiaj internet-miemaŭ.