Top-mieniedžar Facebook, jaki chacieŭ raskryć infarmacyju pra ŭmiašańnie Rasii ŭ vybary ŭ ZŠA, sychodzić z pasady
«17 žniŭnia budzie moj apošni pracoŭny dzień u Facebook, i choć ja straču zadavalnieńnia pracavać popleč z maimi siabrami, ja rady, što mnostva addanych, udumlivych i kvalifikavanych ludziej praciahvajuć vyrašać usie hetyja prablemy», - napisaŭ u sieradu Stamas na svajoj staroncy ŭ Facebook.
U sakaviku hazieta The New York Times paviedamiła, što Stamos vystupaŭ za bolš šyrokaje raskryćcio infarmacyi pra mierkavanaje rasijskaje ŭmiašańnie ŭ amierykanskija vybary, što było sustreta supracivam z boku jaho kaleh, paviedamlajuć infarmahienctvy.
ŚMI i zakanadaŭcy ŭ ZŠA nieadnarazova vystupali sa śćviardžeńniami, što Rasija raźmiaščała ŭ sacyjalnych sietkach palityčnuju rekłamu, kab pasiejać razład u amierykanskim hramadstvie i paŭpłyvać na vyniki prezidenckich vybaraŭ u ZŠA ŭ 2016 hodzie. U listapadzie minułaha hoda pradstaŭniki Facebook, Twitter i Google vystupali ŭ suviazi z hetym na słuchańniach u Kanhresie ZŠA.