Pad Oršaj pierakuliŭsia turystyčny aŭtobus
Pad Oršaj rejsavy aŭtobus vylecieŭ u kiuviet i pierakuliŭsia na bok. Pra heta tut.by paviedamili vidavočcy.
Fota: Juryj Milenin.
- Siońnia ŭ adnoj ź viosak pamiž Mahilovam i Oršaj pierakuliŭsia turystyčny aŭtobus. Ja prajazdžaŭ u 05.30, bačyŭ vialiki turystyčny žoŭty aŭtobus, jaki lažyć na pravym boku ŭ kiuviecie, pobač źbitaja aśviatlalnaja apora. Prysutničali chutkaja, DAI i MNS, - napisaŭ čytač Andrej.
Fatahrafii ź miesca zdareńnia źjavilisia ŭ hrupie «Praca ŭ Estonii» u Facebook. Tam ža paviedamlajecca, što ŭ DTZ trapiŭ rejsavy aŭtobus Ecolines Kijeŭ - Talin.
Fota: Juryj Milenin.
Kiroŭca aŭtobusa na trasie M8 nie spraviŭsia z kiravańniem i ŭrezaŭsia ŭ słup, paśla čaho transpartny srodak źjechaŭ u kiuviet i pierakuliŭsia na bok.
Pavodle papiaredniaj infarmacyi, u sałonie aŭtobusa znachodzilisia 52 čałavieki. Dvuch ź ich špitalizavali, jašče niekalki atrymali niaznačnyja traŭmy.