U Viciebsku nočču hareŭ «Jeŭraopt» FOTY
U Viciebsku nočču 3 žniŭnia ŭ kramie «Jeŭraopt» na praśpiekcie Budaŭnikoŭ adbyŭsia pažar, piša TUT.BY sa spasyłkaj na MNS.
Fota: pres-słužba MNS
Nočču ŭ 1.44 sistema aŭtamatyčnaj pažarnaj sihnalizacyi i pieradačy paviedamleńniaŭ ab nadzvyčajnych situacyjach «Małanka» vyjaviła pažar na pieršym paviersie kramy «Jeŭraopt» na praśpiekcie Budaŭnikoŭ, 15, u Viciebsku.
Fota: pres-słužba MNS
U hety čas achoŭnik kramy pačynaŭ abchod terytoryi, a na składzie znachodzilisia hruzčyk i pryjomščyk tavaru. Kali da miesca vykliku prybyli padraździaleńni MNS, u handlovaj zale było šmat dymu.
Pa papiarednich dadzienych, zahareŭsia adzin z chaładzilnikaŭ.
U handlovym zale paškodžanyja abstalavańnie, tavar, ścieny i stoli. Paciarpiełych niama. Pryčynu ŭzharańnia vyznačajuć.