Ńju-Jork viarnuŭ zvańnie hałoŭnaha suśvietnaha finansavaha centra
Ńju-Jork staŭ hałoŭnym finansavym centram śvietu, zrušyŭšy Łondan. Heta vynikaje z rejtynhu Global Financial Centres Index, jaki składaje kansałtynhavaja kampanija Z / Yen Group.
Usiaho ŭ śpisie pradstaŭleny 100 haradoŭ — na vosiem bolš, čym u 2017 hodzie. Treciaje miesca zaniaŭ Hankonh, na čaćviortaj pazicyi raźmiaściŭsia Sinhapur, a na piataj — Šanchaj.
Rejtynh zasnavany na dadzienych Suśvietnaha banka, Arhanizacyi Abjadnanych Nacyj (AAN), AESR i infarmacyi ekśpiertaŭ časopisa The Economist.
U 2015 hodzie Łondan staŭ hałoŭnym finansavym centram śvietu, ssunuŭšy ź pieršaha miesca Ńju-Jork. Z taho času kožny hod jon zajmaŭ pieršy radok u rejtynhu Global Financial Centres Index.