Vialikabrytanija adreahavała na intervju padazravanych u atručvańni Skrypaloŭ
Ułady Vialikabrytanii aznajomilisia ź intervju padazravanych u atručvańni byłoha pałkoŭnika HRU Siarhieja Skrypala i jaho dački Julii ŭ brytanskim Sołśbiery. U Foryn-ofisie słovy Alaksandra Piatrova i Rusłana Bašyrava nazvali chłuślivym, jany skažajuć infarmacyju.
«Urad Vialikabrytanii ŭpeŭnieny, što hetyja ludzi [Piatroŭ i Bašyraŭ] — ahienty rasijskaj vajskovaj raźviedki — HRU, jakija vykarystoŭvali nielehalnuju taksičnuju chimičnuju zbroju na vulicach našaj krainy», — havorycca ŭ paviedamleńni, apublikavanym reparcioram LBC Breaking.
Adznačajecca taksama, što brytanski bok nieadnarazova patrabavaŭ u Maskvy dać spravazdaču ab tym, što adbyłosia ŭ Sołśbiery ŭ sakaviku hetaha hoda. «Siońnia, jak my bačyli, jany adkazali naŭmysnym skažeńniem i chłuśnioj», — zajavili ŭ Faryn-ofisie.