Turcyja prajaŭlaje intares da «Pielenha»: jany chočuć kupić jaho całkam abo niejkuju častku
Turecki bok prajaŭlaje intares da «Pielenha» — zvyštechnałahičnaha biełaruskaha zavoda, raniej — kanstruktarskaha biuro, što śpiecyjalizujecca na optyka-elektronnym pryborabudavańni padvojnaha pryznačeńnia.
Pra heta paviedamlajuć krynicy «Našaj Nivy».
Fota: peleng.by
Pa formie ŭłasnaści «Pielenh» źjaŭlajecca adkrytym akcyjaniernym tavarystvam, tamu takaja ŭhoda tearetyčna mahčymaja.
Raniej ličyłasia, što cikavicca ŭvachodam u «Pielenh» na surjoznym uzroŭni moža tolki Rasija, a dostup trecich krain da technałahičnych sakretaŭ niepažadany, bo razzłuje hetaha sajuźnika.
Chacia, možna padumać, anałahičnuju zacikaŭlenaść mohuć prajaŭlać i kitajcy.
Jak viadoma «Našaj Nivie», turecki bok pačynaje kułuarnaje abmierkavańnie pytańnia «Pielenha» z kiraŭnikom krainy.