126 kiłahram ryby sprabavaŭ vynieści na sabie žychar Asipovickaha rajona
Žychar Asipovickaha rajona moža atrymać da 3 hadoŭ pazbaŭleńnia voli za kradziež karpa z rybhasu.
U internecie žychar Asipovickaha rajona prapanoŭvaŭ sažałkavuju rybu. Naturalna, razvažyli pryrodaachoŭniki, takija abjomy na vudu nie nałavić. Biez prablem vyličyli aŭtara abjavy i pačali sačyć za im. Dniom 27-hadovy miascovy žychar vystaviŭ niekalki rybałoŭnych sietak na sažałcy rybhasu «Śvisłač». Vyłaŭlenaha karpa ŭ miaškach vynosiŭ za terytoryju rybhasa i chavaŭ u lesie. Tak małady čałaviek za paru hadzin zrabiŭ niekalki rejsaŭ i kala 6 hadzin viečara byŭ zatrymany supracoŭnikami inśpiekcyi.
Ułoŭ skłaŭ bolš za 126 kh, tamu na miesca zatrymańnia vyklikali śledča-apieratyŭnuju hrupu RAUS, tłumačyć namieśnik načalnika Mahiloŭskaj abłasnoj inśpiekcyi achovy žyviolnaha i raślinnaha śvietu Siarhiej Radkievič. Parušalnik adrazu ž byŭ uziaty pad vartu, ciapier vyrašajecca pytańnie ab kryminalnaj spravie.
Maksimalnaje pakarańnie — da 3-ch hadoŭ pazbaŭleńnia voli.