ZŠA rychtujuć «vielmi žorstki» druhi pakiet sankcyj suprać Rasii za incydent u Sołśbiery
ZŠA pracujuć nad druhim pakietam sankcyj suprać Rasii, jakija buduć uviedzieny ŭ listapadzie z-za ataki «Navičkom» u Sołśbiery, paviedamiła pradstaŭnica Dziaržaŭnaha departamienta pa ekanamičnych i dziełavych pytańniach Maniša Sinhch u Kanhresie, pieradaje Bloomberg.
Pa słovach pradstaŭnicy Dziarždepa, novy raŭnd abmiežavalnych mier budzie ŭklučać «bankaŭskija sankcyi, zabaronu na pastaŭki abaronnaj pradukcyi i finansavuju dapamohu».
Sinhch dadała, što Rasija admoviła inśpiektaram u dostupie da chimičnych abjektaŭ i nie pradstaviła ZŠA paćvierdžańnia taho, što jana znoŭ nie budzie vykarystoŭvać zabaronienuju chimičnuju zbroju.