U Minsku prajšła viečaryna pamiaci Zacharčanki
Sajt «Matierik», źviazany z deputatam rasijskaj Dziarždumy Kanstancinam Zatulinym, paviedamiŭ, što ŭ Minsku prajšła viečaryna pamiaci zabitaha kiraŭnika «DNR» Alaksandra Zacharčanki.
U jakim miescy adbyłasia viečaryna pamiaci i kolki ludziej na joj prysutničała nie paviedamlajecca. Adnak adznačajecca, što na mierapryjemstvie byŭ pradstaŭnik «Instytuta krain SND» (rasijskaha analityčnaha centra, źviazanaha z rasijskimi ŭładami) u Biełarusi Mikałaj Siarhiejeŭ, staršynia «Respublikanskaha savieta Ruchu za demakratyju, sacyjalny prahres i spraviadlivaść» Valer Drako i sakratar «Kaardynacyjnaha savieta leva-patryjatyčnych arhanizacyj Biełarusi «Adzinstva»» Simanoŭski.
Pa vynikach viečaryny pamiaci ŭdzielniki źviarnulisia da Pucina i Łukašenki z prośbaj pryznać niezaležnaść «DNR» i «ŁNR» i pryniać ich u skład «sajuznaj dziaržavy».