Volkswagen spynić vytvorčaść lehiendarnaha aŭtamabila «Žuk»
Volkswagen AG vyrašyła spynić vytvorčaść aŭtamabila «Žuk» paśla 80 hadoŭ jaho prysutnaści na suśvietnym rynku, paviedamlaje The Wall Street Journal.
Fota: Volkswagen.
Aŭtavytvorca ŭ nastupnym hodzie spynić vypusk Beetle na zavodzie ŭ Mieksicy — apošnim pradpryjemstvie, jakoje vyrablaje hetuju mašynu.
Apošniaje pakaleńnie Beetle debiutavała ŭ 2011 hodzie, adnak historyja aŭtamabila pačałasia ŭ 1938 hodzie. Beetle źjaŭlajecca adnym z doŭhažycharoŭ aŭtarynka i ŭvachodzić u lik samych pradavanych madelaŭ usich časoŭ. Pa ŭsim śviecie było pradadziena kala 22,7 miljona hetych mašyn.