Padazravany ŭ raniejšym zamachu na Zacharčanku raspavioŭ ab svajoj viarboŭcy
Padazravany ŭ zamachu na kiraŭnika samaabvieščanaj Danieckaj narodnaj respubliki (DNR) Alaksandra Zacharčanku, jaki pradstaviŭsia Alaksandram Paharełavym, raspavioŭ, što jaho ŭ 2014 hodzie ŭ Kijevie zavierbavaŭ supracoŭnik Słužby biaśpieki Ukrainy (SBU). Videa dopytu, jakoje pradastaviła «Ministerstva dziaržbiaśpieki» (MHB) DNR, apublikavaŭ telekanał «Źviezda».
Jak adznačaje telekanał, Paharełaŭ byŭ zatrymany ŭ 2017 hodzie, adnak paśla hibieli Zacharčanki supracoŭniki MHB vyrašyli apublikavać zapis dopytu padazravanaha.
«Ja abraŭ sabie pazyŭny «Lehijanier» i padpisaŭ pahadnieńnie ab supracoŭnictvie z ukrainskaj śpiecsłužbaj», - raspavioŭ zatrymany.
Pa słovach Paharełava, jon byŭ zavierbavany z metaj «likvidavać kiraŭnika DNR». Jon adznačyŭ, što miescam ździajśnieńnia teraktu byŭ abrany restaran «Puškin», u prybiralni jakoha jon ułasnaručna ŭstalavaŭ vybuchovaje prystasavańnie, vyrablenaje techničnymi śpiecyjalistami SBU. Paharełaŭ udakładniŭ, što ŭ bombie była ŭstanoŭlena videakamiera.
Taksama jon raskazaŭ, što jamu było viadoma ab dziejańniach inšaj dyviersijnaj hrupy na terytoryi DNR, metaj jakoj taksama źjaŭlałasia likvidacyja Zacharčanka. Paharełaŭ zajaviŭ, što hetaja hrupa padčas teraktu pavinna była vykarystoŭvać «całkam novuju sistemu dystancyjnaha vybuchovaha prystasavańnia».