Twitter viarnuŭ chranałahičnuju stužku navin
Karystalniki Twitter atrymali mahčymaść znoŭ viarnuć chranałahičny paradak paviedamleńniaŭ u stužcy. Pra heta raskazali pradstaŭniki servisu.
Kab adnavić chranałahičny paradak paviedamleńniaŭ, treba zajści ŭ nałady i źniać ptušačku z punkta «Pakazvać spačatku najlepšyja tvity». Raniej navat pry adklučeńni hetaj opcyi Twitter praciahvaŭ pakazvać karystalniku błok «Na vypadak, kali vy prapuścili» i rekamiendacyi tvitaŭ ad ludziej, na jakija jon nie padpisany.
Akramia hetaha, Twitter pracuje nad funkcyjaj, jakaja dazvolić lohka pieramykacca pamiž «razumnaj» i chranałahičnaj stužkami.
Twitter zapuściŭ novy ałharytm farmiravańnia stužki ŭ pačatku 2016 hoda. U pačatku stužki stali źjaŭlacca tvity, jakija servis ličyć najbolš prydatnymi karystalniku pa intaresach.