Tramp bolš nie ličyć źmieny klimatu «vydumkaj»
Prezident ZŠA pryznaŭ najaŭnaść źmianieńniaŭ klimatu, adnak adznačyŭ, što nie choča pa hetaj pryčynie marnavać tryljony dalaraŭ i hublać pracoŭnyja miescy, paviedamlaje DW.
Prezident ZŠA Donald Tramp pryznaŭ, što bolš nie ličyć źmieny klimatu «vydumkaj», adnak admoviŭsia dapuścić ich antrapahienny charaktar.
«Dumaju, što niešta adbyvajecca. Niešta mianiajecca ŭ adzin bok, a potym źmianiajecca ŭ inšy», — adznačyŭ jon. «Nie dumaju, što heta ŭsio vydumka. Miarkuju, roźnica ŭsio ž isnuje. Adnak nie ŭpeŭnieny, što jana vyklikana čałaviečymi faktarami. Skažu tak: ja nie chaču płacić tryljony dalaraŭ. Nie chaču hublać miljony pracoŭnych miescaŭ», — padkreśliŭ jon.
Raniej, u 2012 hodzie, Tramp napisaŭ u Twitter, što kancepcyju hłabalnaha paciapleńnia prydumali kitajcy, kab «zrabić niekankurentazdolnym amierykanskuju vytvorčaść».