Babič: Z 2015 hoda pytańnie ab raźmiaščeńni rasijskaj vajskovaj bazy ŭ Biełarusi nie abmiarkoŭvajecca
kremlin.ru
Pra heta siońnia žurnalistam zajaviŭ pasoł Rasii ŭ Biełarusi Michaił Babič.
Razmovy na hetuju temu jon nazvaŭ «doŭhim palityčnym sieryjałam ab raźmiaščeńni niejkaj vajskovaj rasijskaj bazy». «Mahu zajavić nastupnaje: z 2015 hoda nichto ni ŭ adkrytym režymie, ni ŭ zakrytym režymie nijakich prapanoŭ ab raźmiaščeńni rasijskaj vajskovaj bazy ŭ Biełarusi nie rabiŭ», - padkreśliŭ jon.
U 2012-2015 hadach NATA viało aktyŭnuju palityku, pačynajučy ad pašyreńnia na Uschod da raźmiaščeńnia roznych vajennych abjektaŭ pablizu miežaŭ Sajuznaj dziaržavy. «Tady vypracoŭvalisia roznyja rašeńni ab simietryčnym adkazie na hetyja dziejańni», - rastłumačyŭ pasoł.
Dypłamat ličyć, što pytańnie raźmiaščeńnia ŭ Biełarusi rasijskaj vajskovaj bazy nieaktualnaje «Z palityčnaha paradku dnia hetaje pytańnie treba źniać i zychodzić z tych vajennych realij, jakija siońnia isnujuć», - upeŭnieny Michaił Babič