FSB sprabavała ŭzłamać sistemu vizavaha centra Vialikabrytanii
Supracoŭniki FSB Rasii sprabavali zavierbavać pa mienšaj miery adnaho supracoŭnika brytanskaha aŭtaryzavanaha vizavaha centra TLSsontact, u tym liku praz šantaž, dla atrymańnia biznes-viz u Vialikabrytaniju dla «pary svaich čałaviek», havorycca ŭ sumiesnym rasśledavańni The Insider i Bellingcat.
Infarmacyja ab viarboŭcy rasijskimi śpiecsłužbami była atrymana ad byłoha supracoŭnika TLScontact, jaki paprasiŭ prytułak u ZŠA.
Pa słovach krynicy, supracoŭniki FSB mieli dostup da infrastruktury vizavaha centra, u pryvatnaści, da ŭsich unutranych videakamier i dyjahramy ŭnutranaj kampjutarnaj sietki.
Śledčyja daviedalisia ad byłoha supracoŭnika TLScontact, što supracoŭniki FSB taksama sprabavali ŭładkavać u vizavy centr pa mienšaj miery adnaho svajho ahienta, ale ich apieracyja pravaliłasia.
Pavodle jaho słoŭ, supracoŭniki FSB paviedamili jamu, što chočuć adpravić u Brytaniju «paru čałaviek» bieź lišnich pravierak.
The Insider adznačaje, što hetyja padziei adbyvalisia viasnoj 2016 hoda. Praź niekalki miesiacaŭ abvinavačanyja ŭ zamachu na Siarhieja i Juliju Skrypaloŭ ahienty HRU Anatol Čapiha (Bašyraŭ) i Alaksandr Miškin (Piatroŭ) upieršyniu źjavilisia na terytoryi Vialikabrytanii.