U Połackim rajonie mužčyna pravaliŭsia razam z kaniom pad padłohu FOTA
112.by
U Połackim rajonie mužčyna pravaliŭsia pad padłohu ŭ chlavie, a na jaho zvaliŭsia koń, paviedamili BIEŁTA ŭ MNS.
Zvanok vyratavalnikam pastupiŭ 22 listapada ŭ 21.53. U vioscy Špakoŭščyna mužčyna pravaliŭsia ŭ chlavie pad padłohu i byŭ zacisnuty źvierchu kaniom i mieŭ patrebu ŭ dapamozie. «Kali na miesca prybyli rabotniki MNS, haspadar znachodziŭsia pad kaniom na hłybini 1,5-2 m i nie moh vybracca samastojna. Akazałasia, što, kali mužčyna zavodziŭ žyviołu ŭ chleŭ, na ŭvachodzie prałamilisia doški i jon zvaliŭsia ŭniz», - raspaviali ŭ MNS.
Ratavalniki pry dapamozie śpiecyjalnaj viaroŭki i pojasa prypadniali kania i vyciahnuli paciarpiełaha navierch. Zatym z dapamohaj pažarnych rukavoŭ rabotniki MNS dastali i kania. Paśla ahladu bryhadaj chutkaj dapamohi mužčynu špitalizavali z roznymi traŭmami.