Biełarusy hałasavali, jak pavinien daražać bienzin — pa kapiejcy ci adrazu. Ale tak i nie vyznačylisia
Jak vam lepš, kab cana na bienzin vyrasła adrazu našmat ci pavialičvałasia na kapiejčynu štotydzień? Z takim pytańniem «Biełnaftachim» źviarnuŭsia da aŭtamabilistaŭ.
Nie skazać, kab vyniki apytańnia dapamahli kiraŭnictvu kampanii pryniać choć niejkaje rašeńnie.
Za sutki ŭ apytańni na sajcie neft.by paŭdzielničali kala 5000 čałaviek. 48% ź ich prahałasavali za adnamomantavaje padaražańnie, 45% — za paetapnaje. Jašče 7% udzielnikaŭ apytanki nie bačać anijakaj roźnicy.