Łukašenka paraŭnaŭ svaje narady ź plenumami CK
«Treba pierajmać usio, što było lepšaje ŭ našaj historyi», — miarkuje jon.
Adkryvajučy respublikanski sieminar-naradu ab pavyšeńni efiektyŭnaści budaŭničaha kompleksu Biełarusi, Łukašenka adznačyŭ, što ciapierašniuju naradu ź viertykallu ŭłady možna nazvać tradycyjnaj i padobnyja mierapryjemstvy buduć i nadalej pravodzicca rehularna, prykładna adzin raz na paŭhoda.
«Heta svojeasablivyja «plenumy CK», — paraŭnaŭ kiraŭnik. — Treba pierajmać usio, što było najlepšaha ŭ našaj historyi dziaržavy. Ad hetaj formy masavaha i kalektyŭnaha mazhavoha šturmu tych ci inšych pytańniaŭ orhanami ŭłady sychodzić nie treba, — paviedamlaje BiełTA.